Renates Kolumne: Ein garantiert eigenhändiger Text!

Wie isch do druffkumme bin? Fascht hätt isch misch net getraut, isch sag's wie's is - es is nämlisch iwwerhaupt net äfach, monnemerisch in Schrift zu verwondle. Hochdeitsch schreiwe konn sogar so en bleeder Compuder, awwer rischtisch monnemerisch, des is ä Herausforderung, wie des heidzudag immer so schää heßt. Sie misse sisch uff jeden Fall e paar Laudde dezudenke, die gibts im Hochdeitsche gar net, so was ähnlisches wie Nasale, awwer halt net gonz. Unn der gonz schpezielle Singsong, vaschtehe Se, wie isch meen? Des kriegt jemond, wo net aus derre Gegend is, fascht net hie. Des is mer neilisch uffgfalle, wo isch so e Moderatorin g'hert hab, die vasucht hott, sisch als Monnemerrin auszugewwe. Es schoint grad voll im Trend zu soi, wie ma so schää sagt. Awwer unner uns, wenn des ä Monnemerin war, bin isch aus Minnsche. Hajo klaar, isch vaschteh des schunn, Monnemerisch adelt jedes Gschbräsch - awwer was die gemacht hott, des war doch kulturelli Oaignung (bei dem O weer jetz der Nasal ogebrocht, vunn demm ischs vorrin g'habt hab und des O schä offe, gell!). Kulturrelli Oaignung, hawwe Se des schummol g'hert? Des iss de neischte Quatsch, wenn Se misch frooge!

Kulturelli Oaignung, des is, wenn enner was macht, wasemm sozusage nett vunn Geburt aus mitgewwe worre is. Also, wenn der Long Long uffm Klavier Mozart schbielt, zum Beischbiel, schtatt uffere schinesisch Pipa, des is e klassisches schinesisches Inschtrument, die Pekingoper zu klimpere. Vaschte'e du isch's ehrlisch gsagt nett so rischdisch, weil isch find, der schbield klasse, awwer was willschn mache, so sinn jetz grad die Zeidde. Graad guud, dass die arm Joy Fleming des nimmeer hott erlewe misse, ihrn scheene Blues "Iwwer die Neckarbrigg" hett die wahrschoinlisch gar nimmeer singe derfe, die hedde se iwwerall ausgelade, känzl kaltscher, noch so ebbes! Soon Blues is dem Monnemer jo net direggt in die Wieg glegt. Dabbisch, wenn misch froogsch, awwer alla guud, liggt jo on uns selwer, ob mer do mitmache oder net.

Sagen Sie mir jetzt nicht, dass Sie schon Bekanntschaft mit einem Chatbot, intelligent oder nicht, gemacht haben, der das auch hingekriegt hätte! Es ist verdammt schwer, Dialekt zu schreiben, können Sie mir glauben. Darum höre ich jetzt auch auf, nicht ohne Ihnen vorher noch ein tolles Buch ans Herz gelegt zu haben: „Der Teufel hat keine Zeit“ von Daniel Strassberg. Selten hat mir ein Buch in letzter Zeit so viel Anregung gegeben. Noch mögen wir uns ja amüsieren über Chat GPT, wenn er uns logisch schlüssig erklärt, weshalb eine Tonne Federn leichter ist als eine Tonne Blei oder wenn er auf die Frage, welches Säugetier das größte Ei legt, auf den Elefanten kommt. Aber weiß man es denn, ob er uns nicht bald ebenso logisch zwingend erklärt, weshalb wir auf Putins dreckige Propaganda hören sollen oder auf irgendeinen anderen Scheiß? Dagegen hilft nur selber denken, und das gelingt mit „Der Teufel hat keine Zeit“ ganz vorzüglich.